再次托小小豬鴻福去食好嘢，今次係公公俾佢嘅獎勵，所以就請我地去食餐豐富嘅日式放題開心下啦！
其實係公公想去食放題，咁就上網睇下有乜好介紹，最後就近近地搵左apm隔離亞太中心嘅極尚日式放題，餐廳其實都唔係新，只不過就係第一次去，所以都驚驚地揀錯掃大家興。
好在….感覺又幾唔錯哦，食物種類都算多，最緊張嘅刺身壽司都好新鮮，三文魚同油甘魚超厚身。熟食同埋炸物都好有驚喜，照燒鰻魚、天婦羅、燒羊架都唔錯。以放題嚟講都叫做上得幾足，只係我地第二轉叫左嘅燒羊架到我地走都未嚟。
除左order放題之外，仲有自助區可以去拎湯、熟食、生果、飲品、甜品同雪糕。初時都仲記得要影相打卡，但最後都掛住食到咩都唔記得，所以依2小時我地一行七人真係瘋狂不停食，大家都食到勁滿足咁走呀…哈哈！
極尚大瀛喜日本料理 - 觀塘店
Search